Udalak herriko taxi zerbitzuaren funtzionamendu eta egoera ezagutu nahi ditu, eta horretarako azterlan bat jarri zuen abian urte bukaeran, zerbitzu publiko horretan hobetu daitezkeen eremuak detektatzeko. Gainera, herritar guztien eta taxi zerbitzuarekin lotutako beste eragileen beharrak eta espektatibak ere jakin nahi ditu.
Hori dela eta, datu bilketa prozesua martxan du udalak, eta, besteak beste, telefono bidez inkestak eta kalean elkarrizketak egiten ari dira zarauztarrei. Orain, datu bilketari jarraipena emateko, online galdetegi bat jarri du eskuragarri zarauztarrek ekarpenak egin ditzaten.