Azaroaren 18an, larunbata, 40. urteurreneko kontzertu berezia eskainiko dute Zarauzko Musika Bandak eta Zarautz Abesbatzak Aritzbatalde kiroldegian, 19:00etan. 200 pertsona igoko dira oholtzara, eta bi taldeek bakarka nahiz elkarrekin eskainiko dituzte abesti eta doinuak. Abesbatzako bi talde gazteek ez ezik, kide ohiek ere parte hartuko dute kontzertuan.
Edukiera mugatua izango du kontzertuak, eta horregatik, herritarrek aurrez hartu beharko dituzte sarrera-gonbidapenak, Sanz Enea kultur etxean edo Turismo Bulegoan. Sarrerak kontzertuaren egunean, 18:30etik aurrera, Aritzbatalde kiroldegian jasotzeko aukera egongo da.