Hiribuseko enpresa batzordeak lanaldia murrizteko eta Kontsumo Prezioaren Indizearen (KPI) araberako soldata igoera adostu dute Zarauzko Udalarekin eta zerbitzua kudeatzen duen enpresarekin. Beharginak ordezkatzen dituen ELA sindikatuak jakinarazi duenez, luze negoziatu ondoren, eta greba deialdia tarteko lortu da akordioa. Halaber, zehaztu du datozen 3 urteetan lan jardunaldia 200 ordu murriztea dela hitzartu duten lanaldi murrizketa astean 35 ordukoa izan dadin.
Horren harira, ELAk nabarmendu du lanaldia murrizteak "enplegua sortzea eta bizi baldintza hobeak izatea" dakarrela, eta honakoa ildo horretan lortu den lehen akordioa dela Gipuzkoan. Zentzu horretan, sindikatuak gogoratu du Bizkaiko autobusen zerbitzu publiko gehienetan aspalditik dagoela normalizatuta 35 orduko lanaldia. Era berean, deitoratu du Gipuzkoako bidaiarien garraioaren hitzarmenaren negoziazioak edukirik gabe jarraitzen duela.