Bizikletaz Adinik Ez elkarteak antolatuta, Zarauzko Santa Anako egoiliarrek trizikloz ibilaldiak egiteko aukera izan zuten larunbatean. Bi txandatan banatuta, goizez zein arratsaldez, malekoitik eta Alde zaharretik ibili ziren, lau boluntariok lagunduta.
Ekimen honen helburua da egoitzetan bizi diren adinekoak beren komunitatearekin konektatzen laguntzea, berdintasunean oinarritutako esparru jasangarri eta osasungarri batetik, eta, aldi berean, errespetua sustatzea eta belaunaldi desberdinen arteko harremanak ehuntzea.
(Argazkiak: Bizikletaz Adinik Ez)