Hotz Zarautz Gobernuz Kanpoko Erakundeak Turkia eta Siriako lurrikaretan kaltetutako pertsonak laguntzeko dirua biltzen aritu da azken asteotan, eta jakinarazi duenez 11.701,55 euro batzea lortu dute guztira. Halaber, zehaztu dute kopuru hori dagoeneko helarazi dietela Zaporeak elkarteari, eta honek, PPS (Siriako herria laguntzeko elkartea) taldearekin elkarlanean, lurrikaretan kaltetutako eremuetara eramango duten janariaren garraioa ordaintzeko erabiliko duela.
Horrez gain, dohaintzak egin dituzten herritarrei eskerrak eman nahi izan dizkie Zarauzko GKEak 7.185 euro eman dituztelako guztira. Aldi berean, 3.000 euroko ekarpena egin duen Iñurritza jubilatuen elkarteari eman dizkie eskerrak, baita azoka solidarioa antolatu duten Salbatore Mitxelena ikastolako ikasleei ere, 1.516,55 euro lortu baitituzte.