Arranopola kultur elkarteak beste bakarrizketa saio bat antolatu du Algarapola ekimenaren barruan. Abenduaren amaieran abiatu zuen umorezko dinamika eta hirugarren ekitaldia izango da eta ostiral gauean jarri du hitzordua. Oraingoan, Ion Martinez 'Txiki' umoregilea izango da 22:30etik aurrera Arrano tabernara bertaratzen diren herritarrak barre leherrarazten ahaleginduko dena.
Horrez gain, mikro ireki saioa ere antolatu dute, otsaila hasierako azken saioan egin zuten bezalaxe. Parte hartu nahi dutenei izena aurrez ematea eskatu diete antolatzaileek arranopolazarautz@gmail.com helbidera mezua idatzita.