Euripean eman zitzaion amaiera atzo arratsaldean asteburuan Zarauzko Malekoia alaitu duen Ibon Imazen Oroimenezkoa-Zarauzko Surf Txapelketa Herrikoiari. Dena den, horrek ez zuen festa zapuztu; izan ere, amaierako gala berezian ere antzeman zen parte hartzaileek nabarmendu duten giro paregabea. Horren erakusle, boluntario eta antolatzaileei zuzendu zizkieten esker hitzak.
26. edizioa izan da aurtengoa, baina, esan bezala, bestelako berezitasunik ere izan du: iaz pandemia tarteko ospatu ezin izan zuten 25. urteurreneko festa. Horregatik, momentu hunkigarri ugari ere utzi ditu txapelketak, horien artean sari banaketan eman zuten Ibon Imazen taula; urte luzez garaje batean gordeta egon dena.
Lehiari dagokionez, hauxe sailkapena mailaz maila:
