Gaur goizean goiz hasi da Zarauzko uretan Pro Zarautz Open txapelketa, dozenaka herritarren begiradapean. Eguraldiak lagundu die lehian ibili diren surflariei, nahiz eta eguardi aldera itsasoa moteldu den.
8:30ak aldera hasi da lehia, eta final zortzirenak, final laurdenak eta emakumezkoen finalerdiak jokatu dituzte goizean zehar. Arratsaldean ekingo diote berriro lehiari, eta orduan gizonezkoen finalerdiak eta finalak jokatuko dituzte.
Bihar, aldiz, Adaptative surf egokituko txapelketa jokatuko dute. Dena ondo bidean, 9:00etan hasiko da biharko txapelketa egokitua.