Lau zarauztar aritu dira lehian ISA World Surfing Games txapelketa entzutetsuan: Ruben Vitoria, Adur Amatriain eta Nadia Erostarbe Espainiako selekzioa ordezkatzen, eta Keoni Lasa Venezuelako selekzioarekin.
Lasa gaztea lehen txandan geratu zen lehiatik kanpo, eta Vitoriak eta Amatriainek ez zuten lortu hirugarren txandara sailkatzerik. Nadia Erostarbe izan da lehiari luzeen eutsi diona, baina atzo amaitu zen beretzat txapelketa, ez baitzuen final laurdenen txanda gainditzerik lortu.