Murkil merkatarien elkarteak antolatuta, Stock Azoka abian da. Hainbat dendarik postua jarri dute malekoian, Galtxagorri elkartearen aurrean, eta prezio berezietan saltzen ari dira beraien produktuak. Aukeraz baliatze aldera, apurka-apurka jende dezente ibili da goizean eta eguerdi partean erosketak egiten.
Azokak gaurtik igandera arte iraungo du, eta egun osoan egongo da zabalik, etenik egin gabe, 11:00etatik 21:00etara. Aurten, Faylin, Garmen, Josune Moda, Noah´s Secret, Tetuan, JM Jostailuak, Emeberhiru, Urzelai eta Vulcano dira parte hartzen ari diren saltokiak.