Bidegiren aurreikuspenen arabera, aurtengo Aste Santuak pandemia aurreko Aste Santuen itxura izango du, eta Zarauzko ordainlekutik 2019ko Aste Santuan adina ibilgailu igarotzea espero du. Zifrak ere eman ditu. Bihartik astelehenera 198.900 ibilgailu igaroko direla uste du: 108.500 Donostia aldera, eta 90.400 Bilbo aldera.
Hori dela eta, neurriak iragarri ditu: batetik, kabinetako zerbitzua langile gehiagorekin indartuko du, ibilgailuen joan etorria arintzeko; eta bestetik, ordainlekua berritzeko lanak eten egin ditu, zirkulazioa errazteko. Horrela, Zarauzko ordainlekuko hemeretzi erreiak zabalik izango dira mugimendu handieneko egunetan. Horiek pasatakoan berrekingo die ordainlekua berritzeko lanei.