Asteburuan Pro Games Fitness Championship crossfit txapelketa jokatu dute Santanderren (Kantabria, Espainia), eta Urola Kostako kirolariak nagusi izan dira bi modalitatetan: taldekakoan eta gizonezkoen bikotekakoan, hain justu. Taldekako lehian, Aitor Azpiazu eta Jon Lapeira azpeitiarrek eta Lierni Osa eta Erika Sanchez zarauztarrek osatutakoa izan da denetan onena; eta gizonezkoen bikotekakoan, Inaxio Illarramendi eta Ander Garate zarauztarrek jantzi dute txapela. Joanes Otamendi azpeitiarrak ere parte hartu du txapelketan arrasatear batekin bikotea osatuta, baina horiek ez dute podiumera igotzerik lortu. Lorpenekin gustura, asteburu bikaina izan dela adierazi dute irabazleek, eta gogor entrenatzen jarraituko dutela horrelako gehiago etor daitezen.
Azpeiti eta Zarauzko lau kirolariak erdian, podiumeko lehen koskara igota.