Argiak eta ilunak Eusko Label ligako eskualdeko taldeentzat

Erakustaldi ederra eman du Oriok bigarren txandan, bigarren sailkatu den Bermeori hamar segundoko aldea aterata. Ohorezko txandan aritzeko moduko denbora zehaztu du zalantzarik gabe. Izan ere, sailkapen orokorrean laugarren bukatu du, hirugarren izan den Hondarribiaren denbora bera eginez, ehuneko eskas batzuk salbu. Ondarroako bandera Zierbenarentzat izan da.

Itxaropena inoiz ez da galdu behar, eta aukerak dauden bitartean lan egiten jarraitu beharra dago. Amets egiten. Edonola ere, gauzak gero eta ilunago jartzen ari zaizkio Zarautz-Gesalaga-Okelani. Aurreko asteburuan Tiranekiko zituen aldeak murrizteko gai izan zen, eta bazirudien dinamika horri jarraiki, balentria egiteko gai izango zela. Gaur, ordea, argi eta garbi ikusi da Ondarroan denek nahi dutela Eusko Label ligan jarraitu, batik bat beheko postuetan kokatuta dauden ontziek. Eta pauso bat aurrera emateko gai direla.

Zarautz hasieratik saiatu bada ere bere arraunketa egiten, Tiranek serio ekin dio bere lanari, eta pixkanaka-pixkanaka atzean uzten utzi da Ares eta Zarautz. Bi hauen artean lehia estua egon da helmugaratzeko unera arte. Azkenean, photofinishak erabaki du: Ares aurretik atera da, eta Zarautz azkena izan da, Lekittarrak irabazi duen multzoan. Orotara, gainera, hamabigarren izan da.

Ondorioz, sailkapen orokorrean azken postuan jarraitzen du 37 punturekin, eta Tiranek hamar puntuko aldea ateratzen dio, 47 punturekin. Bihar Hondarribin izango dute beste aukera bat, eta datorren astean bukatuko da liga hauentzat Galizian jokatuko diren azken bi jardunaldirekin.

ESTROPADAREN SAILKAPENA