Legutioko urtegiak (Araba) hartu du gaur distantzia luzeko Euskadiko traineruen estropada. Eskualdeko hiru klub bertaratu dira urtegira, bost ontzirekin. Oriok eta Zarautzek traineru bana uretaratu dute emakumezkoetan zein gizonezkoetan; Getariak bakarra, gizonezkoetan.
Oriok egin du lan onena eskualdeko klubei dagokionez: bigarren izan da emakumezkoetan eta laugarren gizonezkoetan; Getaria seigarren gizonezkoetan; eta Zarautz zazpigarren emakumezkoetan eta hamargarren gizonezkoetan. Donostiarra emakumezkoetan eta Zierbena gizonezkoetan izan dira irabazleak.
Hemen gaurko estropadetako emaitzak eta denborak:
Emakumezkoak
1. Donostiarra 15:41
2. Orio 15:42
3. Hondarribia 15:49
4. San Juan 16:01
5. Tolosaldea 16:01
6. Deustu 16:09
7. Zarautz 16:51
Gizonezkoak
1. Zierbena 21:04
2. Donostiarra 21:12
3. Ondarroa 21:14
4. Orio 21:15
5. Hondarribia 21:17
6. Getaria 21:43
7. San Juan 21:45
8. Deustu 21:46
9. Arkote 22:01
10. Zarautz 22:48
11. Mutriku 23:24