Zarauzko hilerria pasa den igandean, Santu Guztien Eguna. (Juan Luis Romatet)
Zarauzko hilerrirako bi igoerak eta Salbideko bidegorria asfaltatuko dituzte datozen egunetan. Gaur, azaroak 5, Abendañotik kanposantura doan igoeran egingo dituzte egokitzapen lanak, eta Salbideko biribilgunetik hasita hilerrira doan bidea, aldiz, gaur eta bihar asfaltatuko dute.
Bestalde, astelehenean, azaroak 9, Salbideko bidegorrian egingo dituzte asfaltatze lanak. Aurreikuspenen arabera, beraz, datorren asterako amaituko dituzte obrak, baina udalak adierazi du aldaketak egon daitezkeela eguraldia dela eta. Asfaltia enpresa arduratuko da lan horietaz.
Udalaren esanetan, obra horiekin emango dituzte bukatutzat Untzaindik Salberdingo etorkizuneko urbanizaziora energia elektrikoa eramateko lanak.