Aurreko astean aurkeztu zuten aurtengo Literaturiako egitaraua. Hurrengo asteburuan hartuko du Zarautz Hitza da giltza izenpean prestatu duten egitarauak, hain zuzen, irailaren 25etik 27ra. Modelon izango dira ekitaldietako asko; besteak beste, Modelo baten bizitza sekretua antzerki performancea, Ateko zirrikitutik ipuin kontaketa, Itzulpengiltza: mundura zabaltzeko eta mundua ekartzeko mahai ingurua edota Kax-kax-kax! ikuskizuna.
Sanz Enean eskuratu beharko dira Modelo aretoko ekimenetarako sarrerak, gaurtik aurrera. Soberan geratzekotan, Modeloko txarteldegian jarriko dituzte eskuragai ekitaldia hasi baino ordubete lehenago. Pertsona bakoitzak lau sarrera baino ezingo ditu jaso.
Bestalde, antolatzaileek azaldu dutenez, ekitaldira sartzean banatuko dituzte liburu bonuak.