Aurten ez da Euskal Jai Eguna ospatzerik izango, COVID-19ak eragindako osasun krisiaren ondorioz. Hala adierazi du Zarauzko Udalak, goizean emandako prentsaurrekoan.
Euskal Jairik izan ez arren, Udalak festari lotutako hainbat ekimen mantendu ditu, Euskal Astearen barruan. Bideoz jasotako Andoni Egañaren bertsoarekin lagundu dute gaurko aurkezpena Udaleko ordezkariek.
Ekimenetarako sarrerak Modelo Aretoko leihatilan banatuko dituzte, emanaldiaren egunean bertan, bi ordu lehenago.
EUSKAL ASTEAREN PROGRAMA
. Abuztuaren 28a, ostirala
22:00 Musika Eskolako aretoan, Bertsolari Gazteen XLIV. Lizardi Sariaren kanporaketa saioa.
. Irailaren 1a, asteartea
19:00 Modelo Aretoan, Helduen Binakako Dantza Txapelketa.
. Irailaren 2a, asteazkena
19:00 Modelo Aretoan, trikitilari Gazteen XL. Txapelketa.
. Irailaren 3a, osteguna
18:00 Modelo Aretoan, Bikote Gazteen Dantza Txapelketa.
. Irailaren 4a, ostirala
22: Modelo aretoan, Bertsolari Gazteen XLIV. Lizardi Sariaren finala. Sarrera: 3 euro.
. Irailaren 5a, larunbata
11:00 Modelo aretoan, XXXII. Aurresku Txapelketa.
. Irailaren 8a, asteartea
20:00 Frantziskotarren elizan, Zarautz Abesbatzak Salbea abestuko du.
. Irailaren 9a, asteazkena
10:30 Frantziskotarren elizan, Meza Nagusia, Schola Cantorum Abesbatzaren eskutik.