Danda Gazte Asanbladak Euskal Herriko gaztetxe eta gazte asanbladetako kideak biltzeko deialdia egin du. Martxoaren 15ean Putzuzulo gaztetxean, 17:00etan.
Euskal Herriko Gaztetxeen Topaketak berriro antolatzeko helburuarekin antolatu dute bilkura: "Urteak dira ez dela Euskal Herriko gaztetxeen topaketarik egiten, eta berriro behar horri erantzuteko ordua izan daitekeelakoan gaude" azaldu dute Dandako kideek zabaldu duten oharrean.
Gaztetxeen egoeraz zein etorkizunaz hitz egingo dute, baita eztabaida politiko horiek gauzatzeko eszenatokiaz. "Partekatuak dira gaztetxeetan bizi ditugun erronka eta problematikak ere; oztopoak, kezkak, zalantzak eta ideiak" nabarmendu dute oharrean.