Larunbat arratsaldean, eguzkipean eta jende askoren aurrean egin zuen Jalgi dantza taldeak urteroko aurkezpen ekitaldia. Sanpelaioetan dagoeneko murgilduta dira Iñurritzan– asteartean hasiko dira jaiak berez– eta hantxe eskaini zuten emanaldia. Adin guztietako dantzariek hartu zuten parte, eta hainbat doinuren erritmora aritu ziren dantzan, beroari nola ahala izkin eginda.
Herritar ugari bertaratu zen, eta gogotik egin zuten txalo dantza saio bakoitzaren amaieran.