Martxoaren 15etik 20ra bitartean izan zen Kultura Digitalaren Astea Zarautzen, Gipuzkoako Foru Aldundiaren eskutik. Ikasgela ibiltari bat eta karpa bat jarri zituzten Munoa plazan, eta helburua zen haur eta nerabeek "teknologiarekiko jarrera sortzaileak" garatzea eta "interneten erabilera arduratsua" sustatzea. Besteak beste, ikastaroak, tailerrak eta informazioa eskaini zituzten.
Zarauzko Udaleko Gazteria Sailak eta Gipuzkoako Kode Eskolak Kultura Digitalaren Asteari buruzko "balorazio positiboa" egin dute. Antolatutako egitasmoetan parte hartu duten zarauztarren datuak jakinarazi dituzte. Hona hemen datu horietako batzuk:
- Ikasgela ibiltariko tailerretan parte hartu duten umeen eta nerabeen kopurua: 519
- Karpako ipuin digitalen kontaketan izan diren umeen kopurua: 42
- Karpako Ziberkomekokos tailerrean parte hartu duten umeen kopurua: 240
- Jubilatuen tailerrean izan direnen kopurua: 4
Bestalde, Zarauzko ikastetxe guztietan izan dira Kultura Digitalaren Astea antolatu duten zenbait kide, "zibersegurtasuna lantzeko materiala" banatzen.