Pasa den larunbatean, martxoak 2, errugbi norgehiagoka erabakigarria izan zen Astiko zelaian: Durango Nissan Gaursaren aurka jokatu zuen Babyauto Zarautzek, 16:00etan hasita. Garaipena lortuz gero, Ohorezko B mailari eustea lortu zezakeen Babyautok.
Hiru laurdeneko lerroaren jokoari heldu zion Zarauzko taldeak, eta 11 entsegu lortu zituzten. Aurrelariek hamabigarrena eskuratu zuten, eta Cittadinik horietako 7 transformatu zituen. Beraz, 74 puntu lortu zituzten guztira, eta durangarrek, 10.
Beraz, partida irabazita eta lortutako puntuei esker, Ohorezko B mailan jarraituko du datorren denboraldian Babyauto Zarautzek. Bi jardunaldi falta dira aurtengo denboraldia amaitutzat emateko, eta sailkapenean lehenengo bi postuetan dauden bi taldeen aurka jokatuko du Zarauzko taldeak.