Martxotik aurrera izango da Eulen taldean Jose Vega txirrindularia. (Jira-Bira)
Zarauzko Eulen txirrindularitza taldeak otsailaren 2an eman zion hasiera denboraldi berriari, Pirineo atlantiarretako Léssor Basque lehiaketan. Taldeko 10 txirrindularik parte hartu zuten bertan: Haritz Erasunek, Gaizka Gurrutxagak, Azkarate anaiek, Joseba Lopezek, Jon Ibarluzeak, Sarasola anaiek, Mikel Jakak eta Aritz Kortabarriak.
Jira-Bira klubak atzo, asteartea, jakinarazi zuenez, aurki taldekide berri bat izango dute Eulenen: Jose Vega kolonbiarra. Vegak bederatzigarren egin zuen Kolonbiako txapelketa nazionalean, 23 urtez azpiko kategorian. Martxoan hasi eta denboraldi amaierara arte izango da taldean.