Murkil Dendarien Elkarteak aurtengoan Optika Zarautzi eman dio Gabonetako erakusleiho lehiaketaren lehenengo saria. Bigarrena, berriz, Transit arropa dendak irabazi du.
Guztira, 24 dendak hartu dute parte aurtengoan Murkil Dendarien Elkarteak antolatutako Gabonetako erakusleiho lehiaketan. Epaimahaikide izan dira Ixidor Larrañaga Turismo zinegotzia, Gurutze Arregi Murkil Elkarteko kidea, Ana Valor Lola Botonako dendaria eta Karmen Agirretxe Artezaleakeko kidea.
Aipamen berezi bat ere egin diote Faylinn arropa dendari, Facebook bidez herritarren boto gehien jasotzeagatik.