Amateur mailako txapelketari igande honetan emango diote hasiera gizonezkoen partidekin, Idiazabalgo Igarondo pilotalekuan. Guztira, 64 pilotarik hartuko dute parte, eta aurten, lehenengo aldiz, emakumeek ere izango dute aukera.
Aurreko urteko pilotari kopuru bera lehiatuko da frontoietan, baina aurpegi berriak ikusteko aukera izango da, izan ere, aurreko urtean parte hartu zutenetako lau pilotari profesional mailan aritzen dira gaur egun. Hain zuzen ere, Eskiroz, Pello Etxeberria, Pedro Ruiz eta Aranguren.
Gizonezkoen mailan bikotekako lau talde izango dira, senior eta promesa mailetan. Talde bakoitzeko txapeldunak final erdietarako sailkatuko dira zuzenean (Donostian eta Eibarren), eta irabazleek finalean topatuko dute elkar, Aritzbatalde pilotalekuan.
Emakumeen partidak buruz burukoak izango dira, eta zortzi parte hartzaileak biko lau taldetan banatuta egongo dira. Kanporaketak zuzenekoak izango dira eta lau irabazleak final erdietarako sailkatuko dira zuzenean. Zarauzko Aritzbatalde pilotalekuan jokatuko dute finala, abenduaren 22an.
Igandean hasiko da 27. Bankoa-El Diario Vasco pilota txapelketa
Idiazabalgo frontoian izango du hasiera irailaren 16an, eta abenduaren 22an, Zarautzen izango dira finalak. Besteak beste, Azpeitian eta Aizarnazabalen jokatuko dituzte gizonezkoen mailako kanporaketak.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide