Basarriren bustoa (Hitza)
Orioko Ibain Esoainek irabazi du Zarauzko XXXIV. Basarri Saria, Siga saga izeneko bertso-sortarekin. Zazpina puntuko zortzi bertso dira, Xabier Amurizaren Neska zaharrak eta apaizak doinuan, eta Arrantza munduari buruzkoak dira. Hona hemen hasierako alea:
Afizioak izaten dira
arimaren jarabeak
bakoitzak dauzka bereak.
Nik maite ditut zira urdinak
ta katiuska berdeak (bis)
Bereizten ditut ilargi-aldiak
ur biziak ur bareak
Argi bat diz-diz eramaten dut
aztertzen ditu mareak
zer ekarriko sareak
Txitxare batek mugitzen dizkit
sabeleko txitxareak
Xabier Euzkitzek bereganatu du bigarren saria, Behar haut, putakumea izeneko bertso-sortari esker. Genero indarkeria izan du ardatz, eta honakoa da azkenengo bertsoa:
Izter gaineko zumea,
Sorbaldako beltzunea…
Izuak begirunea,
Ekaitz ostean fereka, muxu,
Berba samurren unea,
Oparien perfumea,
Maitale-tratu xuemea…
Behar haut, putakumea!
Datorren asteartean, irailak 4, izango da sari banaketa. Kale Nagusiko Basarri eskulturaren parean elkartuko dira, 19:00etan. Bertan izango dira bi sarituak.
'Siga saga' izeneko bertso sortari esker lortu du garaipena. Xabier Euzkitzek irabazi du bigarren saria.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide