Artxiboko irudian, Zarauzko autodefentsa ikastaro bateko unea
Uztailaren 3an eta 4an egingo dute autodefentsa ikastaroa 17 urtetik gorako emakumeekin. Uztailaren 10ean eta 11n, berriz, 13-17 urte artekoen txanda izango da.
Ordutegi bera izango dute denek: 10:30etik 14:30era. Lekua, bestalde, Aritzbatalde kiroldegiko aretoa dela jakinarazi dute, eta Esther Lopez Mongek emango ditu eskolak, euskaraz.
Parekidetasun Departamentuak antolatu du, doakoa da, eta izena emateko epea zabaldu dute. Parte hartu nahi duenak hiru bide ditu apuntatzeko: Zigordia kaleko 33. zenbakira joanda; Internetez berdintasuna@zarautz.eus helbidera idatzita, nahiz telefonoz, 943-00 51 17 zenbakira deituta.
Doako ikastaroa bitan banatuko dute, bat 13-17 urte artekoentzat izango baita, eta bestea, 17 urtetik gorakoentzat. Iaz ere egin zuten autodefentsa saioa Parekidetasun Departamentuak antolatuta.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide