Gaurko, martxoaren 20rako, atxiloketak gaitzesteko manifestazioa deitu dute, 19:30ean, Zarauzko Musika Plazan. Zumaian elkarretaratzea egingo dute, 20:00etan, Magnolioan.
"Terrorismoa goratzea" leporatuta atxilotu dute gaur goizean, beste hiru lagunekin batera, eta Guardia Zibilak deklarazioa hartu ostean, aske utzi dute 16:00 aldera.
Kubati, aske utzi duten momentuan. (Sortu)
Irailean Belen Gonzalezen agur ekitaldian "terrorismoa goratzea" leporatuta, Kalera Kalera dinamikako bozeramaile eta Zarauzko bizilagun Antton Lopez Kubati atxilotu du Guardia Zibilak gaur goizean. Era berean, dinamikako bozeramaile Oihana Garmendia, Nafarroako Sortuko arduradun Miren Zabaleta eta Olatz Dañobeitia ere atxilotu dituzte.
Atxilotu ondoren, Donostiako Intxaurrondoko kuartelera eraman dituzte, eta han deklarazioa hartu diete Guardia Zibilak. Lau atxilotuak kaleratu dituzte. Kubati, 16:00etan utzi dute aske.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide