Stock azokak izango dira Zarautzen eta Orion

  Zarauzko Stock Azoka, iaz Urtero legez, Murkil eta Arkupe elkarteek Zarauzko eta Orioko Stock Azokak antolatu dituzte, hurrenez hurren. Zarauzkoa lau egunez egongo da zabalik, ostegunetik igandera bitartean. Hala, "kalitatezko produktuak preziorik onenean" eskuratzeko aukera izango da malekoian. 11:00etatik 21:00etara egongo dira zabalik postuak, egunero. Oriokoa abuztuaren 26an eta 27an izango da, herriko plazan, eta herriko hamahiru saltokietako produktuak erosteko aukera izango da bertan. Larunbatean 10:00etatik 20:00etara izango da azoka eta igandean 10:00etatik 15:00etara. Stock azokak irauten duen bitartean DJ Aros izango da plazan musika jartzen. Horrez gain, puzgarriak ere izango dira larunbatean. Arkupe elkarteko tabernek ere parte-hartuko dute azokan, Arkupe pintxoarekin. Pintxoa jaten dutenen artean Arkupeko saltokietan gastatzeko 100 euroko txartela zozketatuko dute. Bestalde, hondartzatik herrigunera joaten direnek Txu-txu trena doan izango dute. Boga-boga tabernan eta Villa Antilla hotelean eskuratu ditzakete txartelak.