Argazkigintzaren Nazioarteko Eguna ospatuko du larunbatean Photomuseumek

Orson Wellsen 'La tierra de los vascos' laneko irudi bat Bihar da Argazkigintzaren Nazioarteko Eguna eta, urtero legez, Photomuseumek hainbat ekitaldi antolatu ditu hori ospatzeko. 11:30ean aurreskua dantzatu eta lore eskaintza egingo diote Louis-Jacques-Mande Daguerreren omenezko monumentuan; ondoren, bertsoak izango dira, eta 12:00etan, berriz, Orson Wellsen bi dokumental eskainiko dituzte: La tierra de los vascos eta La pelota vasca. Era berean, egun horretan ez da ordaindu beharko museoa bisitatzeko.