Maria Luisa Ameztoi omenduko dute Zarauzko Sagardo Egunean

Sagardo Egunaren aurkezpena, Zurekineko kide Asier Aldalur, Izetako kide Gotzon Iruretagoiena, Turismo zinegotzi Ixidor Larrañaga, Urdairako Patxi Azkonabeitia eta Zurekineko kide Igor Azpitarte. (Aritz Mutiozabal) Zurekin ostalaritza elkarteak Sagardo Eguna antolatu du zazpigarren urtez, Turismo bulegoarekin elkarlanean, eta aurten Maria Luis Ameztoi omenatzea erabaki dute, "duen ibilbide oparoagatik ez ezik, bere familia zabalak ostarlaritzan eta merkataritzan duen eraginagatik". Karlos Argiñano sukaldariaren emaztea da, eta harekin batera lan egin du urte askoan sukaldean, bai Golf Klubeko jatetxean bai egungo jatetxean bertan. Zurekineko kide Igor Azpitartek adierazi duenez, elkarteko kideen artean galdeketa egin zuten aurtengo omendu nor izango zen erabakitzeko, eta guztiek egoki ikusi zuten Ameztoiren izendapena. "Aitortza hau elkarteak egin nahi badio ere, herri guztiarena izatea nahiko genuke". Jarraitu irakurtzen zarauzkohitza.eus atarian.