Zarauzko Triatloi Taldeak antolatuko du proba. Parte-hartzaileek 14 kilometro korrika, 70 kilometro bizikletan eta 7 kilometro korrika egin beharko dituzte. Oraindik ez dute zabaldu distantzia luzeko proban izena emateko epea.
Datorren apirilaren 22an jokatuko da Aizarnazabalgo II. Duatloia. Egin ala ez zalantzan ibili ostean, Zarauzko Triatloi Taldeak hartu du proba antolatzeko ardura, eta egin egingo da. Parte-hartzaileek 14 kilometro korrika, 70 kilometro bizikletan eta 7 kilometro korrika egin beharko dituzte. Oraindik ez dute zabaldu distantzia luzeko proban izena emateko epea.
Joan zen apirilaren 23an egin zuten lehenengo duatloia Aizarnazabalen, eta erantzun oso ona izan zuen; izan ere, 124 lagunek parte hartu zuten. Aizarnazabalgo kirol elkarteak eta Aizarnazabalgo Udalak antolatu zuten lehen proba, Gipuzkoako eta Euskadiko federazioen laguntzarekin.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide