Abenduaren 4an jokatuko dute Bikote Mistoen 38. Krosa

Iaz, Mitxel Cuadrado eta Izaro Rubio izan ziren lehenak helmugaratzen. (Aiora Larrañaga) Urtero legez, Zarautz Kirol Elkarteko Atletismo sailak Bikote Mistoen Krosa antolatu du. Aurten, abenduaren 4en jokatuko dute. 16 urtetik gorako bikoteek eman dezakete izena, Helmuga Kirolak dendan zein www.herrikrosa.eus webgunean. Aldez aurretik izena ematen dutenek 20 euro ordaindu beharko dituzte bikoteko, eta egunean bertan egiten dutenek, 30 euro. Egunean bertan, proba hasteko ordu erdi falta den arte eman ahalko da izena, irteera gunean. Parte-hartzaileek 7,5 kilometro korrituko dituzte herrian zehar, 10:20ean kiroldegi paretik hasi eta Musika Plazan amaitzeko. Bikotea elkarrekin sartuko da helmugan, eta gehienez ere ordubete izango dute horretarako. Irakurri albiste osoa Zarauzko Hitzaren webgunean.