Adin guztietako herritarrentzat

Iazko herri bazkariaren irudi bat, Musika plazan. (Aiora Larrañaga) Iaz Kuadrilla Eguna bere sorlekura bueltatzea erabaki zuten: Musika plazara. Hura izan zen festa gune nagusia, baina ez bakarra. Aurten ere errepikatu egingo dute esperientzia. Oraingoan, ordea, hiru gune atonduko dituzte: bata, Salbide eta Frontoi Txikiaren inguruan, haurrentzat (9-12 urte bitartekoentzat); bestea, Lege Zaharren enparantzan nerabeei zuzenduta (12-17 urte bitartekoei); eta azken bat, berriz, gazteentzat (18 urtetik gorakoentzat), Musika plazan bertan. Adin guztietako herritarrentzat izango dira ekitaldiak larunbatean, "Kuadrilla Eguna guztiona" delako. Gauean, berriz, guztiak Musika plazan bilduko dira; bertan izango da erromeria, Luhartz taldearekin. Jai giroa 04:30ak arte luzatuko da.

Haurrentzat 11:30-13:30. Haurren gunea, Salbiden. 16:30-20:00. Frontoi Txikin, Haurren gunea. Ginkana, arku tiroa, txapa tailerra eta herri kirolak izango dira, besteak beste. 19:00etan, mimo erakustaldia. Nerabeentzat 10:30-13:00. Lege Zaharren enparantzan, olinpiadak nerabeentzat. 16:00-21:00. Lege Zaharren enparantzan, Nerabeen gunea. Boom splash, enbor eroak, zezen mekanikoa eta adi ibili jokoak izango dira, besteak beste. 19:00­etan, DJ Javi disko-jartzailea. Gazteentzat 10:30-13:00. Lege Zaharren enparantzan, herri kirolak, 18 urtetik gorakoei zuzenduta. 13:00. Musika plazan, txosnaren irekiera eta pasta eta patata tortilla lehiaketa. 14:30-16:00. Musika plazan, mus txapelketa. 17:30-21:30. Musika plazatik hasita, Ustekabe fanfarrearekin kalejira eta jolasak. 18:00-19:30. Munoan, bigantxak. 19:15. Kuadrillen arteko jolasak. Gauean 20:00-22:00.  Lege Zaharren enparantzan, DJ Davila. 22:30-03:00. Musika plazan, Luhartz taldearekin erromeria.