Jende ugari bertaratu da: bere senitartekoak, lagunak eta baita hainbat alderdi politikotako ordezkariak ere. Tartean, EH Bilduko Arnaldo Otegi zein Joseba Permach; PSE-EE legebiltzarkide Patxi Elola eta Zarauzko EAJko Jesus Arana eta Joakin Landa, EH Bilduko Mikel Goenaga eta Naiara Carvajal eta Irabazi Zarautzeko Ana de Benito eta Oihane Delgado, besteak beste.
Ohikoa izan da ekitaldia. Ahaztuak 1936-1977 elkarteko Martxelo Alvarezek hartu du hitza hasieran, eta gogoratu du Txiki, Angel Otaegi azpeitiarra eta FRAPeko hiru kideek –Humberto Baena, Jose Luis Sanchez Bravo eta Ramon Garcia Sanz– "bide jakin bat jarraitzeko guztia eman" zutela, "bizia, askatusuna... zuten gauza handiena". Irailaren 27ro bost izen gogoratzen dituztela nabarmendu du, "baina askoz gehiago" direla. "Zarautzen Piru, Tapi, Xenki... ere baditugu. Beste leku batzuetan beste hainbeste dira".
Azpeitiko ikasleek ere elkarretaratzea egin dute, Txiki eta Otaegi oroituz.
Ikusi albiste osoa eta argazki gehiago Zarauzko Hitzaren webgunean.