Basque Label Fest jaialdia egingo dute asteburuan

Gaur aurkeztu dute jaialdi gastronomikoa turismo bulegoan. (Aritz Mutiozabal) Zarauzko Turismo bulegoak, Zurekin Zarauzko Ostalarien Elkarteak eta Gipuzkoako Sagardogileen Elkarteak Zarautz Basque Label Fest jaialdi gastronomikoa antolatu dute elkarlanean, datorren ostiralera eta larunbatera begira. Eusko Label eta kalitatezko produktuak "bultzatu eta merezi duten balioa" ematea duela helburu nabarmendu du Turismo zinegotzi Ixidor Larrañagak. Kalitatezko produktuak eta ostalaritza "bateragarriak ez diren mitoa" badela dio Zurekineko ordezkari Igor Azpitarteak, "oso garestiak diren ustea dagoelako". Ekitaldiarekin pertzepzio horiek uxatu nahi dituzte, eta bien uztartzea posible dela erakutsi. Horretarako, Eusko Label produktuekin egindako gosariak, pintxo nahiz platerak eta menuak eskainiko dituzte larunbatean Zurekin elkarteko hainbat ostalariek. Ikusi albiste osoa Zarauzko Hitzaren webgunean. Ikusi egitarau osoa, hemen.