Astiko itxitura kendu eta proiektua bertan behera uzteko eskatu du Irabazi Zarautzek

Irabazi Zarautzeko kide Ana de Benito eta Oihane Delgado, Astiko aisialdi gunean. (Aritz Mutiozabal) Astiko aisialdi guneko eraikina bideratzeko Plan Berezia aurkeztu zuen Udal Gobernuak (EAJ eta PSE-EE) asteleheneko Hirigintza Batzordean. Horren aurrean, Irabazi Zarautz udal taldeak proiektu horren kontra jarraitzen duela adierazi du, eta proiektua bertan behera uztea eskatzeaz gain, duela aste batzuetatik hona eremu horretan ezarritako itxitura kentzeko eskatu dio gobernuari. Astiko aisiladi gunearen erabilera publikoa berreskuratze aldera, mozio bat aurkeztuko du Irabazi Zarautzek uztailaren 28ko Osoko Bilkuran. Alde batetik, Txintxilik II enpresak "modu ilegalean" itxi duen erabilera publikoko aisialdi gunea berreskuratzea proposatzen du, eta Udal Gobernuak "legezko bitartekoak erabili ditzala berehala" horretarako. Bestetik, Udal Gobernuari eskatzen dio Astiko jatetxea eta aisildiko instalazioak eraikitzeko eta ustiatzeko kontzesio kontraturen aurrean "prozedura legala hasteko". Eta, azkenik, Plan Bereziaren tramitazioa eta onespena bertan behera uzteko. Jarraitu albistea irakurtzen, Zarauzko Hitzaren webgunean.