Etzi abiatuko dute Txaparrotan Zarautzen, gaztetxoen txapelketarekin

Desertu Txikiak Txaparrotan Hondartzako XIII. Eskubaloi Festa hartuko du datozen bi asteburuetan. Uztailaren 2an eta 3an, haurren txapelketa jokatuko dute, eta uztailaren 9an eta 10ean, berriz, helduena. Izena emateko epea bukatu zen, eta, guztira, 226 talde izango dira aurtengo ekitaldian parte hartuko dutenak. Gehienak zarauztarrak badira ere, eskualdeko jendea —getariarrak, oriotarrak eta zumaiarrak— ere ariko dira, baita Euskal Herriko beste hainbat herritakoak ere. Haurren txapelketan eskolarteko 112 talde lehiatuko dira, lau mailetan banatuta: 14na talde benjamin neska eta mutiletan (LH 3 eta 4); 20na talde kimu neska eta mutiletan (LH 5 eta 6); eta 16 infantil nesketan eta 28 mutiletan (DBH 1 eta 2). Albistea osorik, Zarauzko Hitzaren webgunean.