Zarauzko Alkoholiko Anonimoen Hondartza taldeak 53 urte beteko ditu hilaren 26an, San Pelaio Egunean. Hitzaldia antolatu dute uztailaren 1erako, gaixotasun horren inguruan hitz egiteko.
Hondartza taldeko partaideak astelehen eta ostegunetan Langako plazako bulegoan. (Hondartza)
"Kopa bat ardo ni baino gehiago zen". Gaixotasuna eta infernua hitzak nabarmendu dituzte Martinek eta Fernandok. Asmatutako izenak dira horiek, alkoholiko anonimoak izanik elkarrizketatuen identitatea ezagutaraztea sahiestu behar delako. Izan ere, anonimotasuna mantentzea sendaketa prozesuko zutabeetako bat da.
Alkoholismoa gaixotasuna da, hala deklaratu zuen 1953an Osasunaren Mundu Erakundeak, besteak beste, diagnostikatu, pronostikatu, tratatu, errehabilitatu eta prebenitu daitekeen zerbait delako. Martinek badaki: "Jendeak pentsa dezakela bizio bat dugula, baina ez da hala". "Adikzioa da, ez zaletasuna", biribildu du Fernandok.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide