Gaurtik igandera jokatuko da eskubaloi lehia, Aritzbatalde kiroldegian. Etxeko taldeaz gain, beste hiru talde ariko dira lehian: Anaitasuna, Mecanizados Aranda Villa de Aranda eta Carles Valbona KH7. Txapelketako lehen eta azken partidak zarauztarrek jokatuko dituzte. Gaur, 17:30ean, Carles Valbonaren aurka eta igandean, 12:30ean, Anaitasunaren kontra. Larunbatean, berriz, Mecanizadosen aurka ariko dira, 12:30ean.
Bestalde, jubenil neskek Espainiako Txapelketako sektorea jokatuko dute Vigon (Galizia). Carballal, Cleba Leon eta Gijon taldeak izango dituzte aurkari.