Euskal Astean murgiltzear da Zarautz

Zarauzko Hitza 2013ko irailaren 2a
Deskargatu Info Ahotsak :
Español English Français Català Galego

Irailaren 9a gerturatu da, Euskal Jai Eguna ospatuko dute zarauztarrek datorren astelehenean. Aurrez, ordea, Euskal Asteaz gozatzeko aukera izango dute. Asteartetik igandera arte, hainbat ekitaldi antolatu dute udalak eta herriko gizarte eta kultur eragileek. Asteburuan umeak izan dira protagonista, igandean Haurren Euskal Jai Eguna ospatu baitzuten. Euskal Jai Eguneko egitaraua hemen ikus daiteke. EUSKAL ASTEA 2013 Irailak 3, asteartea
  • 19:30. Sortaldea Kultura Eremuan, Joseba Tapiaren hitzaldia: Belarriak Soinu.
Irailak 4, asteazkena
  • 19:30. Sortaldea Kultura Eremuan, Andoni Egañaren hitzaldia: Basarri eta bertsogintza.
  • 20:30. Modelo aretoan Trikitilari Gazteen XXXIII. Txapelketa.
Irailak 5, osteguna
  • 22:00. Modelo aretoan, Zu ere On Kixote? ikuskizuna. Agerre teatroa eta herriko hainbat talderen eskutik. Parte-hartzaileak: Montetxio abesbatza, Udaberri abesbatza, Alproja taldea, Uhera eta Jalgi dantza taldeak, Mikel Erguin eta Iosune Irureta dantzariak, Marisa Merino dantza-eskola, Aratz Olaizola, Erlantz Allur eta Nahiko Larri trikitilariak, Goizeko Ihintza txistulari taldea, Mantxi bertsolaria eta herriko beste zenbait laguntzaile.
Irailak 6, ostirala
  • 19:00. Lege Zaharren Enparantzan, Bikote Gazteen Dantza Txapelketa. (Euria egiten badu Modelo aretoan).
  • 20:00. Txosnak irekiko dituzte.
  • 21:00. Txosna gunean, kantu afaria.
  • 22:00. Modelo aretoan Bertsolari Gazteen XXXVII. Lizardi Saria. Ekitaldi berean XXIX. Basarri Saria Bertso Paper Lehiaketaren sari banaketa.
  • 23:00. Txosna gunean, kontzertua.
Irailak 7, larunbata
  • 11:00. Musika Plazatik irtenda Euskararen aldeko XVIII. Lasterketa AEK eta EHEk antolatuta. (Izena 10:30ean eman beharko da).
  • 11:30. Lege Zaharren Enparantzan, XXV. Aurresku Txapelketa eta VI. Soinu Zahar Txapelketa. (Euria eginez gero Modelo aretoan).
  • 14:30. Musika Plazan, AEK eta EHEk antolatuta, XXIX. Bazkari Herrikoia. (Euria eginez gero Antoniano kiroldegian).
  • 18:30. Musika Plazatik, AEK eta EHEk antolatuta, kalejira aldarrikatzailea.
  • 19:30. Lege Zaharren Enparantzan, Binakako Dantza Txapelketa. (Euria eginez gero Modelo aretoan).
  • 20:00. Txosnen irekiera.
  • 23:00. Txosna gunean, kontzertua.
Irailak 8, igandea
  • 18:00. Lege Zaharren Enparantzan, Euskadi mailako Kintopekoen Harri Jasotze Txapelketa (21 urtez azpikoak). Euria eginez gero Zinema Frontoian.
  • 19:30. Frantziskotarren elizan, Zarautz Abesbatzaren emanaldia: meza eta Salbea.

Jaiak Zarautz

Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide