Extremadura eta Zarautz gerturatzeko jardunaldiak egingo dituzte, gaurtik

Urtero bezala, Aste Kulturala antolatu dute Francisco Zurbaran elkarteko kideek. Extremadurako ohiturak eta kultura zabaltzea dute helburu, baita gastronomia,  historia eta paisaia ere. Horrekin batera, Extremadura Zarautzera gerturatu eta bizikidetza sendotzeko baliatuko dute aste hori. Extremadurako ardo eta produktuak dastatzeaz gain, mus txapelketa, ipuin kontalaria eta bingo eta kuatrola txapelketak ere egingo dituzte. Aurten, berrikuntza modura, argazkilaritzari lotutako bi ekimen ere izango dira. EGITARAUA Maiatzak 31, gaur 22:30. Mus txapelketa. Ohiko sariez gain, lehenbiziko elkarteko kideari ere emango zaio. Ekainak 2, igandea 12:30. Jardunaldien hasiera. Ondoren. Mokadutxoa eskainiko diete antolatzaileek bertaratzen direnei. Ekainak 3, astelehena 19:00. Camino de la plata argazki emanaldia, Isabel Gonzalezen eskutik. Ekainak 4, asteartea 18:00. Ipuin kontalaria, Lurdes Urbinaren eskutik. Ondoren. Txokolatada. Ekainak 5, asteazkena 19:00. 100 urtez argazkilaritza Extremaduran hitzaldia, Goretti Garateren eskutik. Ekainak 6, osteguna 18:00. Bingo handia adinekoentzat. Irabazleei sariak banatuko dizkiete. Ekainak 7, ostirala 19:00-20:00. Ardo dastaketa. 22:30. Kuatrola txapelketa. Ohiko sariez gain, lehenbiziko elkarteko kideari ere emango zaio.