Laugarren urtez jarraian, Erdi Arora itzuliko da Zarautz datozen egunetan. Gaur 18:00etan zabalduko dute Erdi Aroko Azoka, 22:00ak arte. Igandera bitartean izango da irekita, 10:00etatik 14:30era eta 17:00etatik 22:00etara bitartean. Azken egunean, 20:00etan itxiko dituzte postuak. Ohi bezala, Lege Zaharren Enparantzatik Erriberazahar kalerako eremua hartuko du, eta postuez gain, hainbat jardunaldi izango da.