Gaur 19:00etan inauguratuko du ZAE Zarautz Arraun Elkarteak I. Cava Azoka. «Zerbait berezia» antolatze aldera, karpa xumea jarri dute Munoan, eta igandera bitartean izango da zer edan eta jana bertan. Guztira,zazpi cava mota dastatu ahalko da bertan, eta mokadutxoarekin lagundu. Giroa alaitzeko, askotariko ekimenak ere izango dira datozen egunetan: trikitilariak, musika taldeen emanaldiak, besteak beste. Azken egunerako, gainera, jardunaldi berezia prestatu dute: I. Arraun Bertso Lehiaketa. Getariako, Orioko, Zarauzko eta Zumaiako bertsolari bana oholtza gainera igo eta arraunarekin loturiko gaiez ariko dira, nor baino nor. Irabazleari ikurriña emango zaio, «estropadetan egiten den moduan». 17:00etan hasiko dute norgehiagoka.
Azoka egunero 12:00etatik 16:00etara, eta 19:00etatik 00:00etara izango da zabalik Datozen jai egunetan herria «bizitzea» dute helburu , eta bide batez, elkartearentzat irabaziak lortzea.