Zarauzko eskoletako 530 bat ikaslek Francisco Escudero omenduko dute asteazkenean, 15:30ean. Villa Munda aurrean, konposatzailearen bustoaren inguruan izango da mendeurreneko ekitaldia.
15:00ak aldera, LH5 eta LH6. mailako ikasleek bustorako bidea hartuko dute, trikitien laguntzaz, eta 15:30ean musika saioa eskainiko diote Escudero maisuari. Lehenik, eskola bakoitzak bertsoa abestuko dute, ondoren, 2 kantu interpretatuko dituzte txirulen laguntzaz. Azkenik, Escuderoren Piano eta orkestrarako kontzertua-ren azken mugimenduko zati batekin dantza eginez amaituko dute saioa.