Manuel Larramendi Bibliografia Institutuak II. Bibliografia Kongresua antolatu du. Bihar eta etzi egingo dute, Zarauzko Frantziskotarren konbentuko liburutegian. Hainbat liburutegi eta artxibategitako ordezkariek eta adituek hartuko dute parte. Besteak beste, Espainiko Liburutegi Nazionaleko Elena Garcia-Puentek, Sabino Arana Fundazioko Luis Gesalagak, Lazkaoko Benediktarren Fundazioko Miren Barandiaranek, edo Donostiako Udal Liburutegiko Arantza Aramendik.
Leopoldo Zugazak, Manuel Larramendi Bibliografia Institutuko sortzaileak, emango die ongietorria guztiei. Bibliografiaren lehenaz, orainaz eta etorkizuneko erronkez jardungo dute.