Gizon bat zauritu da gauerdian Zarautzen, etxe batean sortutako sutearen ondorioz. Bizilagunak eraikinetik atera zituzten su-hiltzaileek, Herrizaingo Sailak jakinarazi duenez.
Iturri horien arabera, Izpilla plazako etxebizitza bateko sofak su-hartu zuen 23:45 aldera. Kearen ondorioz intoxikatu egin zen gizonezko bat, eta Donostiako Ospitalera eraman behar izan zuten.
Lau solairuko eraikina jendez hustuarazi zuten, baina bizilagunak goizaldera itzuli dira etxera.