Kantabriko tabernakoa izan da pasa den asteko pintxo onena, herritarrentzat. Zarauzko Zurekin ostalari elkarteak antolatu du ekimena, I. Pintxo Astea, eta larunbatean banatu zituzten sariak, eguerdian, Kale Nagusian.
Facebook bidez eman dute herritarrek gustuko pintxoaren aldeko botoa.
Zurekinek erabakitako epai-mahaiak ere eman ditu sariak. Lehena Euskalduna tabernarentzat izan da, bigarrena Txiki Politentzat, eta hirugarrena Argiñanoko pintxoarentzat.
Lehiaketan parte hartu duten herritarren artean bi lagunentzako afaria zozkatu du Zurekinek. Marina Eizagirreri egokitu zaio.
