Euskararen Eguna dela-eta, kantujira egingo dute gaur arratsaldean Zarautzen. Donibane Plazatik abiatuko dira 17:30etan. Jaione Eskuderoren eta Mertxe Isastiren gidaritzapean, Geltoki parketik igaro eta Musika Plazarako bidea egingo dute. Eguraldi txarra eginez gero, Lege Zaharren Enparantzara joango dira Donibane Plazatik, eta Barren Plazatik igaro ostean, Berdura Plazan amaituko dute. Trikitilarien laguntzarekin egingo dute kantujira.
Kantujira amaitzean Euskararen Eguna hitzak osatuko dituzte letrekin Musika Plazako kioskoan, eta ikastetxeetako ikasleek testu bat irakurriko dute.