Urtero bezala, Artisau Eguna izango da igandean, Artezaleak-en eskutik. Foruen Plazan 33 postu jarriko dituzte, goizeko hamaiketatik arratsaldeko bederatziak arte. Askotariko produktuak aurkeztuko dituzte artisauek: pintura, pitxiak, telareak, esmalteak, buztina, landutako harria, tiffany estiloko lanparak, taloak, edergintza naturala, larrugintza, oinetakoak, kamixetak, eta abar.
Artisauen artean zarauztarrak ere izango dira, inoiz baino gehiago: Manu Urbieta, Aitziber Esnaola, Paulo eta Itziar Albisua, Ane Franco, Loretxu Gurrea, Olaia Landa.