Naturaldia natur jardunaldien baitan, Europa Surfrider Fundazioko ordezkari Gregory Le Moignok Uhinen babesa, gizarte, ekonomia eta kultura arloetan hitzaldia eskainiko du gaur, udaletxeko pleno aretoan 19:00etatik aurrera. Axi Muniain zarauztarrak aurkeztuko du ekitaldia, surflarien ordezkari gisa.
«Surfrider Fundazioak hogei urte darama Europako itsasbazterrak babesten. Besteak beste, herritarrak kontzientziatzeko hainbat programa jarri ditugu abian, eta horiek izango ditut hain justu hizpide gaurko saioan», adierazi du Natura Ondarearen eta Uhinen Babesa programako arduradunak: «Uhinei lotutako ekonomia, kultura eta alderdi soziala aztertuko ditugu gaur».